Ka Directorate of Civil Defence & Home Guards, Meghalaya, Shillong da phah ko ya waroh ki khynnah kiwa da jop ya ka Exam kreh ha ka kyrdan Guardsman, Driver wa NCE (Non Combatant Employee) wow lai report ki ha ki yung krehkaam ka Home Guard wa em ha jar jiar ki District heiyatoh wa i thung kreh wa ka Basic Training.
Kiwa ha East Khasi Hills wa Ri Bhoi District haap lai Report ki ha ka District Training Centre Home Guards, Mawdiangdiang, Shillong.
Kiwa na West Khasi Hills wa South West Khasi Hills ha District Training Centre Home Guards, Nongstoin.
Kiwa ha East Jaiñtia Hills wa West Jaiñtia Hills District ha District Training Centre Home Guards, Jowai.
Kiwa na West Garo Hills wa South Garo ha District Training Centre Home Guards Tura, katwa kiwa na East Garo Hills wa North Garo Hills ha District Training Centre Home Guards Williamnagar.
Kiwa na South West Garo Hills District won ha ka Civil Defence Office Ampati.
Ki khynnah wa da Pass ya ka Exam toh u Report ki ha kini ki yung krehkaam ha ka 24-25 tarik uni u bnai khnang wow yoh yutip ki iwa tikna hajrong ka thung kreh (Appointment) yong ki, ka thaw esikai (Training) wa kiwi kiwi.
Kini kiwa Pass toh u pyndep ki leh ya ka COVID- 9 test wei ka tarik wow lai test daw pyntip ya ki heipor wa lai mih ki cha ki yung krehkaam ha District.
Ka Basic Training yong ki kyrdan kreh Guardsman, Driver wa NCE u sdang ko nadooh ka 1 Kmaichonglad (December) 2020.
