theme-sticky-logo-alt
theme-logo-alt
Advertisement ad1
Advertisement ad1

Kær ka Seiñraij Jowai yei thaw wa myllien ki bru wow noh jhep

Advertisement ad1
Advertisement ad1

I kaam wa yatoh wa i jhep ha chnong Jowai da man i iwa da khor wei ym ye de u pynbait da ki bnai kattu hadien wa pyrchah ki chnong wa em hajan i thaw noh jhep ka Jowai Municipal Board iwa em harood ka wah Mynkjai, iwa da wanrah kylla yei sah ki jhep ha yung ki bru khamtam ki thaw wa pynman yaw ha Jowai.

Ya ini leh da sakhi yei sah i jhep ha i thaw wa pynman yaw ka Seiñraij Jowai iwa da yang da slem wow wan kit da ka Municipal tangwa neidaw wym yoh thaw noh jhep da sahkut i iwa da pynsih dur kamjooh da pynsma ya ki thaw wa em chajan iwa da pynman ya ka Seiñraij Jowai wow pynkhooid hi ya ini i jhep.

Advertisement ad1

Ka Seiñraij Jowai hadien wa dep ko wow pynkhooid ya ini i thaw wa jooh myllien ki bru wow noh jhep wa em leh hajan i thaw pynyieñ kari iwa tip leh kam i Madan Siatthong ynnin ka sngi, deiwa maham leh wow daiñ kuna ya kiwa dang wan wow noh jhep ha ini i thaw.

Yow pyntikna leh wa ym em de kiwa wan wow noh jhep ha ini i thaw, ka Seiñraij Jowai da kær noh ko ya ini i thaw kam i dak wow pynyoo wa ym hoi de wow noh jhep ha ini i thaw hadien wa du dei maham da chem toh ym em wa ap.

Share this:
Previous

Chem chitom kiwa yaleh Admission neidaw wa duna kari kamai: KSU

Next

U pteiñ biang ki Containment Measures hapoh ka West Jaiñtia Hills