Ka Jaiñtia National Council (JNC) Khliehriat Circle ha ka kyrwoh na u General Secretary yong ka, u Symboh Sumer dap ko da i sñiawngooh wa khroo ya ka yung krehkaam u Deputy Commissioner ka East Jaiñtia Hills khamtam ya ka ADC ka J.U. Kharpuri yeiwa chimkhia ko wow pynmankaam yei kyrpaad ka seiñ wow pynyoo ya ka Live Screening neibynta uwi u khon khynroo ka Bri u Ynñiawtrep, u Steve Jyrwa uwa chimbynta ha kawi ka yakob chaad ka ri wa tip kam ka India’s Best Dancer-Season 4 wei dapoi u leh ha ka kyrdan Top 6.
Ka seiñ ynnin ka sngi da lai yachem ko wa ka ADC deilang wa i thoh neibynta wow kyrpaad wow leh ya katai ka Screening ha ka Screen wa heh ka DIPR wa em ha pchem ka yung krehkaam u DC, wei ynne da mynjur wow leh yeini.
Kamtæ ka seiñ da e khublei ko ya ka sahep wa yaka yung krehkaam u DC, deiwa da ong wa ini i leh ymtoh du wow pynyoo sñiawbha hi-eh tangwa kam chibynta wow e mynsieñ ya ki khon khynroo kiwa em i sap i tap kamjooh leh kam ka dak wow kyrchaan ya ki wei wow pynchlur leh u mih chakhmat.
Kamtæ ka seiñ da iwi i sur khut wer ko ya kiwa chong chnong kynthai chynrang wow sñiawbha phi u yawan kat kiwa lait wow li pait ya kani ka yakob chaad kam ka dak wow kyrchaan ya u Steve Jyrwa wei kamjooh leh wow tip bniah kammon wow e Vote ya oo khnang yow poi u cha ka thong yow wanrah u leh ya ka burom ka jylla yong i.
Ya kani ka Live Screening daw pynyoo ha ka 14 wa 15 tarik uni u bnai heipor 8:00 waje i miet.
Discussion about this post