Ka Khasi Hills Autonomous District Council (KHADC) da pynsñiaw ko yei pyrchah wa joor yei thmu ka Gau Pratishtha Andolan wow pynman ya ka lai paidbah ha ka 2 tarik u Naichiphaw ha Shillong yow khang baam doh wei choh doh masi wei wow tipmit ya ka masi kam ka bei ka ri India.
U Chief Executive Member ka KHADC, u Pyniaid Sing Syiem da pyntip u wa ka KHADC da pynman ko ya ka yalang wa jhan wei da rai wow thoh cha ka sorkar jylla yow phah ya ki bor District wym toh wow e bor ya kam ini i. Da ong u wa ka Council pyrchah joor ko ya ini i thmu wow lai Rally ha ka 2 tarik neidaw wa daw wanrah ko yei mynsoo.
Da ong u wa ka KHADC neini chakhmat daw khang pyrchah ko ya kiwon kiwon nadooh ki seiñ næ ki bru kiwa wan yalap khang baam doh masi ha ri Khasi.
Katkam wa ong u CEM, i daw wa ka Council u khang pyrchah ko toh kamwa da jia yei pynkrehkaam ya ka UCC kawa man ko pyrchah ya ki riti ki dustur, wei i khang baam doh masi toh ka wym ye u pdiang neibhah toh ka rukom baam kawa nadooh warim wei la jia kammon kammon leh ym e laad ya kiwon kiwon wow wan batai yei rukom baam.
Da ong wa ya ini wa da ya pynbait daw phah dei thoh cha ka sorkar neidaw 98% i thaw ha Meghalaya em ko hapoh ka Sixth Schedule wei lyngba ini da kyntu ya ka sorkar India wym toh u pynkrehkaam ya ka UCC.
Discussion about this post