Kam ka ULFA(I) wa yap ki heh ko deiwa siat Missile ka Indian Army, tangwa kyntait ki chipai wa leh yeini

Ka seiñ kieñ suloi kawa na Assam kawa tip kam ka United Liberation Forces Assam (Independent) ynne da kam ko wa da pynemkaam ka Indian Army da ki Missile ha ki thaw wa em ki ktem ko ha khappood wa ka Myanmar, hanla ki chipai ym em pyntikna ki yeini.

Ka ULFA(I) hawa phah khubor da ong ko wa ini da jia i heipor wa dang step ha kiwa boon ki thaw wa em ki ktem ko heiwa da yap ar ngut ki heh ko wei da mynsoo 19 ngut kiwi.

Uwa e ktien ki chipai da ong u wa ka Indian Army ym em leh ko yeini katkam wa kam ka ULFA(I).

Ka ULFA(I) da pynbaad ko wa da chah siat Missile heipor wa lai pyndep ya ka niam wa khaddooh u Lt. J. Nayan Assam, uwa man kam u President ka Lower Council ka ULFA (I) heiwa da yap u Brigadier Ganesh Assam wa u Colonel Pradeep Assam wei da mynsoo kiwi de.

Neiliang u Chief Minister ka Assam, u Himanta Biswa Sarma da kyntait u yeiwa emkti ki pulit ka Assam wow leh yeini wei da ong u wa daw che won hadien wa da tip chooh chooh.

Related posts

E kti ka sorkar yei thaw yow chna ya ka Taj Umiam Resort & Spa hei lut wa ₹330 klur

December 19, 2025

Mynjur ka sorkar ya ka tulop wa thymme ya ki 23,000 ngut kiwa sikai Adhoc wa kiwa sikai SSA

December 19, 2025

Da ong u wa lada leh ki chipai yeini, ki daw khana ki tangwa hadooh kattæ ym pu em ong ki iyi iyi leh.

Neiliang ka ULFA(I) da maham ko wow pynhiar tput yeini wa jia.