Ki 8 ngut ki MLA kiwa da jop na ka United Democratic Party wei kiwa da kynthih noh cha ka Bharatiya Janata Party, ynne ka sngi Thohdieñ da lai ki wow pyntip cha ka yung krehkaam u Lamphang ka yung dorbar chna aiñ wa ki toh ki MLA ka BJP wei ymtoh de ki MLA ka UDP.
Neidaw wym em u Lamphang ha kamra krehkaam, ki MLA da e kti ki ya ka chithi ha u Adviser ka Assembly Secretariat, u Dr. Andrew Simons, wei ya kini ki MLA da synraanlang ya ki da u MLA ka BJP na South Shillong uwa man u Montri sorkar, u Sanbor Shullai wa u President ka BJP Meghalaya, u Rikman G Momin wa kiwi kiwi.
Ki 8 ngut ki MLA UDP kiwa da psiah cha ka BJP ha ka 23 tarik uni u bnai ha New Delhi toh u MLA ka Amlarem, u Lahkmen Rymbui, u Kyrmen Shylla MLA ka Khliehriat, u Olan Sing Suin MLA ka Mawsynram, u Pius Marwein MLA/MDC ka Ranikor/Langrin, u Synsharkupar Roy Lyngdoh Thabah MLA/MDC ka Sohïong, u Mathew Beyondstar Kurbah MLA ka Mawphlang, u Balajied Kupar Synrem MLA ka Shella wa u Mayralborn Syiem MLA ka Nongpoh uwa khlem emlang ha kani ka sngi hawa lai yachem wa u Speaker.
Discussion about this post