Kam u Montri wa ym em ki thaw ha khappood wa register cha Assam

Shillong: U Symbood Montri ka Jylla u Dr. Roytre C Laloo da ong u wa ka sorkar ym em tip ko iyi iyi wa em ki bru wa sah ha khappood Meghalaya waka Assam kiwa lai register ya ki thaw yong ki cha Assam.

Hawa jubab yeiwa kylli u MLA ka Nongthymmai u Dr Jemino Mawthoh ha yung dorbar ynnin ka sngi, wa ka sorkar da pynduna ko namo ym em ya ka bai register ya ki thaw yong ki tre jylla wa em ha khappood, u Dr. Roytre da ong u wa neiliang ka sorkar da pynduna chwa ko ya ka bai register deiwa chim shiteiñ i dor ya ki tre jylla, da ong u leh wa dadep yaklam wa ki kattu katni ki DC hei yatoh wa i register ya ki thaw ha khappood ka Assam wei da chem wym em kam katæ.

Da ong u wa i register ya ki thaw wei da booh da ki DC tangwa lait noh ha Garo Hills i dor da booh da ka GHADC wei da pynkrehkaam da ka sorkar kamjooh katwa i dor ya ki tre jylla man i mar chiteiñ.

Hajrong iwi won iwa kylli hei yatoh wa u sarok Nongstoin cha Maweit, wa wanrah da u MLA ka Mawthengkut u Witting Mawsor, u Montri ka tnat PWD u Martin M Danggo da ong u wa yei pynkhreh ya ka Detailed Project Report ym pu ye u pyndep da ka tnat wa toh u pait yong ka sorkar India tangwa ka sorkar jylla daw booddien ko yeini yow smat.

Related posts

Em 151 tylli ki kreh wa thylli, phah u Wailad ya ka DSC wow thooh lada dang em chooh kiwa wa lait

May 16, 2025

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Katwa i kylli wa yatoh wa i krehkaam ka Meghalaya Basin Development Authority (MBDA) wada wanrah da u Dr. Donkupar Roy, u Dr Mukul Sangma da ong u wa em 357 ngut kiwa kreh ha kani ka tnat ka sorkar wei 23 ngut ki consultant kiwa da jied yow pyndep yow kreh ki leh ya ki kaam ka sorkar. U Dr. Mukul da ong u wa du i bai su tulop da poi i lut kamwa T. 17.2 klur cha ki wa kreh.