15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

I kam u Mukul wow yoh 40 ngut ki MLA toh iwa klam kutlaad donhi: NPP

0 Comments
Advertisement ad1

Shillong: U President ka NPP Meghalaya, u Dr. WR Kharlukhi da ong u wa ka i kam u Montri Rangbah ka jylla, u Dr. Mukul Sangma wa ka Congress daw yoh ko ym duna ya 40 ngut ki MLA hadien ka Election toh i wym sñiaw yahaap de neibhah wa ini man i i kam kutlaad donhi.

Da ong u wa lada bichaar ya ka MP Election wa chiteiñ por, ka Congress da rem ko ha ki 23 tylli ki Constituency kiwa da wanrah yei jop ya u kyrtong ka NPP, u Conrad K Sangma deiwa tam u hadooh palat 78, 000 tylli ki vote.

“Kammon wa u Dr. Mukul kheiñ u hawa wyrchaw du na ka election MP wa da dep hadooh katwon ki kyrtong yong ka Congress da chah pynrem tput ki, ini pynyoo i leh wa ki paidbah ha ri-loom Garo da kot da kdang ki ya ka Congress,” ong u Dr. Kharlukhi.

Hei yatoh nawon wa i mih ki paidbah ha Garo Hills wa ym pdiang ki ya ka NPP, u Dr. Kharlukhi da kyntait u yeini deiwa ong wa heiwa ki paidbah ha Khasi-Jaintia Hills da pdiang ki, tæ kammon won u ye u man wa ka Garo Hills u kyntait ki.

Ha kani ka sngi ka NPP da pynbna ko leh sa ar ngut ki kyrtong wow yakhun ha ka election MLA 2018, wa kynthup ya ka Probity Nongpluh na Pynthorumkhrah Constituency wa na u Thomas Malai na Umsning Constituency.

Neiliang u Dr. Kharlukhi da ong u wa ka thup wa soo wa kawa san yong ki kyrtong daw pynbna neini ha ki tayaw wa nyngkong u snem thymme, wei ha kani ka thup daw pynbna leh yei pyrtuid ki kyrtong kiwa man leh kam ki MLA wa katni.

Advertisement ad1

0 Comments

Leave a Reply