15 49.0138 8.38624 1 0 4000 1 https://wyrta.com 300 0

Kam u president ka MPUF wa dadep pynbiang ya ki kot heiyatoh wei mantre u ya ka dukan u dkhar

0 Comments
Advertisement ad1

Shillong: Hadien wa chah pynbaad wei chah beiñ ha kiwa boon wa lang neidaw wa leh benami u President ka MPUF, ynne ka sngi u Dapoiwanme Laloo u da pynche u wa mantre u ya kawi ka dukan dkhar wei da kam leh wa da yoh u ya ka Sales Deed kawa da yasoi u wa u tre warim ka dukan China Bazar.

Hawa yaklam wa kiwa pathai khubor ynne ka sngi ha Shillong, u Laloo da pyntip u wa kani ka dukan da e pyrtuid u ka kam ka D Wanmi Variety Shop kawa man hei pyrtuid yong oo. Chooh chooh da ong u wa da pynbiang u ya ki kot ki sla waroh kiwa yatoh wei mantre yong oo ya kani ka dukan.

Advertisement ad1

Da ong u leh wa da dep register u ya ar ngut ki baar jylla wow man ki kam kiwa kreh yong oo wow yoh ki ya ka Labour License na JHADC. Da kam u leh wa ini i leh yong oo man ko kam ka nongmuna wow knieh yei khayi pateiñ ki baar jylla kamwa thmu kiwi ki seiñbhalang kiwa em hapoh jylla.

U Laloo da ong u, ” Lada yoh O, u thied bait O ki ki dukan na u baar jylla, wei neini chakhmat daw wai O sa 2, 3 tylli ki dukan”.

Heiyatoh wa ini kiwi kiwa kitkaam ka seiñ da ong ki wa ka seiñ ym em bynta ko heini neibhah wa man ko ka kaam samen yong oo, wei da kyntu ki leh ya ki paidbah wow e i kyrchaan yong ki kamwa jooh keh nachwa.

 

0 Comments

Leave a Reply