Shillong: Ka Hill State People’s Democratic Party (HSPDP) da pyntip ko wa i kynrum kynram wa da mih ha KHADC hapyrdi ki MDC wa em ha ka liang synchaar ka United Democratic Alliance (UDA) u kot noh ko deiwa kam wa napyrdi ki 6 ngut ki MDC kiwa da e ya ka chithi wa da dam ki wow kyrchaan daw psiah biang ki cha ka synrop UDA.
“Da em kiwa da mih wei daw wan biang ki wow kyrchaan deiwa pyndam noh yei wa mih ki,” da ong u General Secretary ka HSPDP, u Renikton Lyngdoh Tongkhar ynne ka sngi.
U Renikton da ong u wa ini i leh ki MDC da man biej ko hakhmat ka pyrthai neidaw wa du ha i por wa tbian da mih i chah pynbaad ya u CEM, u Teinwell Dkhar iwa ym toh iwa man.
“Man ko kawa leh jhan palat wow pynbaad yei rukom krehkaam u CEM du hapoh arbnai. I da yaklam i wa ki MDC yong i wa ym toh u leh jhan leh kulmar neidaw wa daw man biej,” da ong u.
Da ong u leh wa da dep yaklam wa u CEM wa bha u yaklam yow sñiawthooh ya i sñiaw yong waroh ki MDC wei da kyrmen u wa kani ka EC daw wandur biang hanlada em i sñiawyapher yumut kawa jooh em hei man bru wei kawa ye u pynbait.
Hawa kylli wa i daw wa mih i kynrum kynram ha KHADC toh neidaw i yabhah ya ka poisa wa poi naka sorkar pyrdi, da jubab u deiwa ong u i daw ym che bha ko neibah oo da yoo u du ka chithi wa soi da ki 6 ngut ki MDC.
Haba kylli won lada em won kiwi ki daw, da jubab u deiwa ong, “Wow antad donhi daw man ko kawa lait, ha-o em kiwa yahkhamt wa biang hapoh ka KHADC kiwa jooh man kam ki MLA wa montri sorkar, tangwa nga ym yoo O wa u Teinwell duna u wow yahkhmat, wei emkaam wow e por ya oo wow kreh u. Lada ym ye u wow kreh hapoh 6 bnai heitæ ye u ong wa ym pu ye u wow kreh kam u CEM.”
Hawa kylli chooh chooh la ka RDA ka smat ko wow ya kreh waka Congress ha KHADC, neiliang yong oo da ong u wa haka Politics ym jooh em wow ong wa da kut syndon (Full Stop).
“Lada dawa i por, i daw pait wei daw pynbait wei pyrkhat lang, hadooh katni nga ym yoo O wa em kam kattæ,” da ong u Renikton.
(Feature Image-File Photo)
Discussion about this post