15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Toh u ieh noh u CEM ya ka chuki ha KHADC: Congress

0 Comments
Advertisement ad1
Advertisement ad1

Shillong: Uwa yahkhmat ka liang pyrchah ha Khasi Hills Autonomous District Council (KHADC) uwa man leh u MDC ka Mawphlang, u Lamphrang Blah da kyntait u wa ka Congress ka emkti ko ha ka kynrum kynram wa mih ha ka United Democratic Alliance (UDA) kawa synchaar hapoh KHADC.

Da ong u wa kani ka huri hura toh ka kaam pohyung yong ki MDC kiwa em ha ka UDA, hanlada ka Congress ka da dawa ko wow pynku ya ka bhah poisa na ka T. 50 lak cha ka T.1.50 klur cha ki MDC kawa da yoh naka sorkar pyrdi yow pynkrehkaam ya ki kaam pynroi ha ki Constituency ki MDC waroh. Da ong wa ini i dawa yong ka Congress da phah leh deiwa thoh cha u CEM, u Teinwell Dkhar.

Advertisement ad1
Advertisement ad1

Ha i jooh i por u Blah da ong u wa ki MDC ka Congress daw chong yalang ki wow pyrkhat ya ki kaam ha KHADC neibhah kamwa man kattæ ka Executive Committee ka UDA da em ko hei khian paaid hadien wa 6 ngut ki MDC wa jooh kyrchaan ya ka da dam ki wow kyrchaan ya ka ynne ka sngi. Da ong u wa u Teinwell toh u ieh noh u ya ka chuki deiwa Resign hadien wa oo da dooh u ya i chaniah na ki para MDC wa em ha ka UDA.

Chooh chooh uwa yahkhmat ka Congress ha KHADC da ong u wa hadooh katni ki 6 ngut ki MDC wa da dam u kyrchaan na ka Executive Committee ym pu yaklam ki iyi iyi leh wa ki MDC ka Party wow ya krehlang tangwa da ong u leh wa ki 10 ngut ki MDC ka Congress ki yatylli lang wei lada em ka tyrwa, ka Party daw bichaar lang ko wa waroh ki MDC.

Also Read: Dawa ki MDC ka Congress wow pynku ya ka bhah ki MDC naka T. 50 Lak chaka T. 1.5 Klur ha KHADC

Advertisement ad1

0 Comments

Leave a Reply