U Working President ka People’s Democratic Front (PDF), u James Ban Basaïawmoit da yalap pyrchah u ya ki kyrtong kiwa mahajon wa yakhun ya ka Election hei pyrtuid wow chakri ya ki paidbah, heiwa da ong wa hei rta yong oo ym jooh chem wa uwa mahajon chakri u ya kiwa dooh.
Hawa klam ha kawi ka yalang yong ka seiñ PDF, u Basaïawmoit da ong u wa ym jooh chem wa uwa mahajon u chakri u ya uwa dooh, tangwa wow ong wa kiwa dooh wa lai chakri ya uwa mahajon tæ rap sñiaw yahaap, tangwa u mahajon wow chakri ya kiwa dooh ym ngait.
Da ong chooh chooh wa kiwa dooh kiwa lai yaw da ka Sumo da ka Bus katwa uwa mahajon wa wan u da ka kari wa T. 40-50 lak, kammon daw chakri u ya kiwa wan da ka Sumo da ka Bus ham jooh ngait. Tangwa da kyntu u ya ki paidbah wow pait ya ki bru kiwa ye sakhiat u chakri ya ki paidbah ha ka jooh ka kyrdan.
