I chah pyntieñ wa em Bomb ki lieñsuiñ wa hær hapoh India wa cha baar ri dang joor i kat dang lai ki sngi wei ini da wanrah i yei doohnong wa khroo ya ki Airlines iwa kynjoh chadooh ki klur tangka ha ka chi sngi.
U Pilot ka Air India, da ong u wa katkam wa man katni ka Landing Weight namo i khia manda hiar ka lieñsuiñ B777 toh 250 Ton wei ha kawi ka lieñsuiñ waroh chwa wow sdang hær ko i khia ko toh u man i kamwa 340-350 ton wa ki bru wa chong deilang wa ki mar.
Da ong u wa hawa hiar khyndaw ko hapoh 2 kynta emkaam u pynlut kamwa 100 ton i phñiang heiwa i dor man i Rs 1 lak chi Ton (iwa mut Rs. 1 klur waroh 100 ton i phñiang) deiwa kdaw yeiwa emkaam ka Flight AI 119 wa mih na Mumbai ha ka Monday cha JFK Airport ha New York wei mar hær kani ka Flight wei manda tip yei chah maham da hap hiar ko ha Delhi.
Ha kiwi tawon ki thaw wa emkaam ka Airline u su poisa toh ka Parking Charges ha Indira Gandhi International Airport, i pyntoh pynbiang ya ki kamwa 200 ngut kiwa chong ha ka wa ki thaw sah ha ki Hotel ka nongbah Delhi, ka bai lutsan wa pynslem ya ki wa kiwi kiwi.
Ki sahep ka Ministry of Civil Aviation wa pliah yeini da antaad ki wa nei chah pyntieñ em Bomb kawi ka lieñsuiñ ye i wow wanrah hadooh kamwa Rs 3 klur kawi ka lieñsuiñ doohnong.
Discussion about this post