Ha East Jaiñtia Hills District, kam ki chnong nadooh Rymbai, Shilliang Umshong, Dienshalalu, Wahsarang, Lumshken, Iapmala, ki 5-Shnong Suchen, Umsatai, Ladwah Wapung, Deiñsatlang, Pynurkba, Bataw, Lama, Borghat wa kiwi ki chnong, ki paidbah da chem chitom ki neidaw wa slah thut ware ka bordiñ.
“Ka bordiñ ha kini ki chnong man ki kam ki blang wa tieñ slap, neibhah wa mar kdur da yut rieh ki. Kopsar ki sahep ka chnat wa da thung ka sorkar ha East Jaiñtia Hills ym pliah ware ki yei kaam,” da ong uwi na kiwa chong chnong.
Da ong u leh wa i thut ka bordiñ da ktah i ym du ya ka imlang sahlang tangwa wot ya ka khayi pateiñ wa khamtam ki khynnah hei puræ puthi yong ki.
Ka bordiñ ha kini ki chnong da dooh ko khlem iwon iwon i pynbna chwa, wei ha ki kattu katni thaw dooh ko nadooh i janmiet hadooh i step iwa da ktah joor ya ki khynnah wa lai skur wa College.
Kiwa chong chnong da maham ki leh wow su ya ka bordiñ du chi pawa na ka Bill næ wow pynlang ya ki lyngkhot mombati wa dadep thang neitæ wow pynyoo ya ki manda lai su ya ka bai bordiñ wei ymtoh wow su kamwa yoh bordiñ pahooh kiwi ki chnong.
Hajrong kini da kyrpaad ya ka chnat wa pait ya ka bordiñ wow chimkhia u pynbait noh yeini i chem chitom ki paidbah deiwa pynbha noh ya ki laad yada ya ki bynta wow saam bordiñ khnang wa ym jia de i kamwa man katni.
Discussion about this post