Kat wym pu dep u chna ya u sarok Mawlai Bypass u neh tyngkreng ka ISBT Mawiong

Ka Inter State Bus Terminal (ISBT) kawa em ha Mawlai Mawïong u nang sah tyngkreng chwa ko hadooh wa ye u pyndep yei chna ya u sarok na Umroi uwa mih cha Mawlai Bypass.

U Symbood Montri Rangbah ka jylla uwa pait ya ka chnat Transport, u Sniawbhalang Dhar da ong u wa ka Inter State Bus Terminal (ISBT) daw krehkaam pura biang ko hadien wa dep chna ya u sarok na Umroi cha Mawlai Bypass kawa da yooluti wow pyndep hapoh uni u snem.

Da ong u wa ka sorkar ym kwah ko wow chim ya ka luti wa chipor neibynta yow ye u pynkrehkaam ya ka ISBT, tangwa kwah wow em bait noh da ka sarok khnang wow ye u pynemkaam chirta.

“I da ban i ya ka chnat PWD wow pyndep ko rap smat ya uni u sarok wei mar ya dep uni u sarok na Mawai Bypass, ka ISBT daw krehkaam biang ko kamwa jooh man,” ong u Sniawbhalang.

Related posts

Syllen syndet kiwa chong chnong deiwa suba neidaw wa leh ka um

January 9, 2025

La 3 sngi kattu i pyrchang wow pynlait ya ki bru na i krem mooyong ha Umrangso

January 9, 2025

Da khana u wa ka chnat PWD ye hi ko wow pyndep yei kreh ya uni u sarok hachwa wow kut uni u snem.

Da pyntip u leh wa ka chnat Transport da chong yalang ko man-i-por waka chnat PWD wei da kyrpaad wow smat noh katwa ye u pyndep chna ya u sarok.

Hajrong i pynbaad wa da pynemkaam bakla ya ka ISBT da ki bru wa sih, u Sniawbhalang da ong u wa ki sahep da jooh lai ki man-i-por cha ka ISBT wei hadooh kattæ ym pu em ka khubor wa em ki damok ha katai ka thaw.

I pynkreh ya utai u sarok na Umroi cha Mawlai Bypass toh wow e laad ya ki kari heh khamtam ya ki Bus Night Super wow wan yieñ ki hapoh ka Inter State Bus terminus (ISBT) yong ka sorkar ha Mawïong, neibhah hadien wa da khang wow lai ki kari wa heh na ka yingkieñ Umïam, kani ka thaw pynyieñ Bus yong ka sorkar kawa da chna hei lut wa Rs. 48 klur da sah tyngkreng ko neidaw wa ki Bus hap ki wow yieñ cha wah na ka yingkieñ.

Rap nachwa, u Symbood Montri Rangbah ka jylla wa pait ya ka chnat PWD (Roads), u Prestone Tynsong da pyntip u wa kamwa 80% i pynkreh ya utai u sarok da lai i wei da yooluti wa daw ye u pyndep hachwa i por wa da booh.

Da ong u wa ka sorkar jylla da pynkreh smat bha ko ya u sarok uwa pynyabi na Umroi cha Mawlai Bypass yow mih cha ISBT ha Mawlai Mawïong ya kawa tip leh kam ka VIP Road.