Shillong: Ka Sorkar MDA ynne ka sngi da chim ko ya ka rai wow booh bhah 10% neibynta ki kynthai neibynta i kreh pulit kam ka kyrdan Unarmed Branch Sub Inspection wa Un armed Branch Constable ha ka Meghalaya Police.
Yeini da leh hadien wa da pynkylla (Amend) ya ka kyndon Section 29 yong ka aiñ Meghalaya Police Act.
“Em chiboon i sñiawkhia khamtam kiwa yatoh wa ki kaam wa pyrchah ya ki kynthai wa ki khynnah wei deiwa booh yeini hakhmat dooh da yaklam yeini hapoh ka Cabinet Meeting,” da ong u Home Minister, u James Sangma.
Deiwa em kani ka bhah kreh, kattu lada em 100 tylli ki post, 10 tylli u man ki ya ki kynthai donhi.
Hawa pynksan yei wym em bhah (Reservation) ki kynthai hapoh hapoh ka Meghalaya Police nachwa, u James Sangma da ong u wa ka Meghalaya Police toh kawa pynembor bha ya ki kynthai tangwa ka sorkar da sñiaw ko wa emkaam chiboon ki kynthai wow em bynta ha kani ka kaam.
Discussion about this post