15 49.0138 8.38624 1 0 4000 1 https://wyrta.com 300 0

Da ka Contribution Pension Scheme u e ka sorkar cha kiwa kreh ha ki Deficit College

0 Comments
Advertisement ad1

Shillong: Ka sorkar Meghalaya ynne ka sngi da mynjur ko wow e ya ka Contribution Pension Scheme ya kiwa sikai kamjooh ya kiwa kreh office ha ki Deficit College wa em hapoh ka jylla.

Hadien wa kut ka yalang ki montri ka jylla uwa e ktien ka sorkar jylla u Prestone Tynsong da ong u wa nachwa da booh ya ka poisa wa ah na ka tulop yong ki jar jiar ki thaw puræ wei da booh ha ka Society kini ki thaw puræ kawa man pyrchah ya ka aiñ CPF Act.

Advertisement ad1

“I kwah i wow yarap ya ki yow yoh myntoi ki na ka Pension yong ki neibhah ki Deficit Teachers ym em hok ki u yoh Pension,” da pyntip u Tysnong cha kiwa pathai khubor wei da ong u leh wa kani ka Scheme thymme u krehkaam ko hadien wa pynbna ka sorkar ya ka.

Katkam wa ong u Tynsong i rukom e Pension u sariem ko wa i rukom yoh Pension kiwa kreh sorkar i bynta wa 8% wei ka sorkar u kyrchaan ko 4% katwa ya ka 4% won toh u kyrchaan da ki wakreh.

Ka poisa daw booh ha ka Provident Fund wei ye ki u sai ka manda chong ngiah ki wei ka sorkar u lut ko T.  40 lak chi snem.

U Tysnong da pyntip u leh wa da mynjur wow thung kreh hapoh ka 3F ya le tylli ki kaam wa lait ha Shillong Polytehnic wa kynthup ya ar tylli ki kaam Civil Engineer wa uwi u Computer Science.

Advertisement ad1

0 Comments

Leave a Reply