Shillong: Ka bru wa chah ktah ha ka khlam u COVID-19 na Resubelpara, toh kawa da em chwa hapoh ka thaw chong-kset wa kyrpang namo Quarantine Centre la soo sngi, wei heipor wa chem wa yoh khñiang ko man ko kawa khlan khlem ki dak ki chin.
Neiliang u Symbood Montri Rangbah ka jylla, u Prestone Tynsong da ong u wa ki paidbah ymtoh u syir ki neibhah wa ki bru wa yajan wa ka da suk u tipmit neibhah wa da em ko hei pait ka sorkar lyngba ka chnat i chait i khiah.
Da pyntip u wa kani ka bru toh kawa wan chirup wa ka bru wa yoh COVID-19 kawa na Tura da ka jooh ka rel na Chennai.
Ha iwi i liang, u Montri da ong u wa ki bru sñiawthooh bakla ki hajrong ki sngi wa hap leh Quarantine lada 14 namo 28 sngi deiwa pynche u wa kitu kiwa leh ya ki Quarantine 14 sngi wa nyngkong toh u man ki kiwa syndong bha deiwa bood thij ya ki kyndon katwa ki 14 sngi kiwa bood ymtoh ware kiwa khor tangwa ymtoh leh u kheiñstiñ ki neibhah em kiwa yoh COVID-19 wot hadien 18 sngi leh.
Hawa pyntip pyntip won ya ka yukheiñ wa hadooh i por 3 waje ynne ka sngi, u Montri ka chnat i chait i khiah, u AL Hek da pyntip u wa ki nongmuna wa da phah Test em ki 6353 tylli, kiwa Test Negative næ wym em khñiang em ki 5238 tylli, kiwa dang yang ya ka report em ki 1100 tylli, katwa waroh kiwa da chah ktah ha ka jylla da em 15 ngut wa 2 ngut toh kiwa dang em ya uni u khñiang.
Discussion about this post