Ki jylla wa em cha khlieh ka ri da maad ki yei chit wa poi hadooh 44 Degrees Celsius ynnin ka sngi Bibar, neiliang ka India Meteorological Department (IMD) da pynmih ko yaka maham (Red Alert Warning) neibynta ka Delhi, Rajasthan, Punjab, Haryana wa Chandigarh neibynta ka 25 wa 26 tarik uni u bnai.
Kani ka lær chit namo ka Heatwave da antaad wa daw neh ko ha kiwa boon ki jylla wa em cha khlieh ka ri waki bynta ka Maharashtra wa Telangana. Katkam wa pyntip ka IMD, ki bynta mihsngi ka Uttar Pradesh leh daw maad ki ya kani ka Heatwave wei da booh ya kani ka jylla daka Orange Alert.
“Ka Heatwave daw em ko ha ki kattu katni ki thaw, wei daw em leh ka lær chit wa joor bha ha ki kattu katni ki kata ka Punjab, Haryana, Chandigarh, Delhi, Rajasthan, Uttar Pradesh, Madhya Pradesh, Vidarbha wa Telangana ha kini ki 5 sngi wow wan,” da ong ka kyrwoh ka IMD wa pynmih ynne ka sngi.
Da khang yaki bru wow mih ki cha lait heipor 1:00 waje i sngi hadooh 5:00 waje i janmiet.
Chooh chooh da pyntip wa hapoh India ha uni u snem da yoh ya artylli ki sngi wa chit dooh (47.6 Degrees Celsius) ha kini ki 2 sngi. Kani ka Heatwave da yooluti wa daw sdang ko u duna nadooh ka 28 tarik.
Ka IMD da ong ko leh wa kani ka Heatwave leh daw em ko ha Chhattisgarh, Odisha, Gujarat, Central Madhya Pradesh, Marathawada, Coastal Andhra Pradesh, Yanam Rayalseema wa North Interior Karnataka ha kini ki 3-4 sngi.
Da kheiñ wa da em ka Heatwave lada i chit poi i 40°C lane palat ya ini ha ki thaw wa madan thiaw, 37°C ha ki thaw wa em cha rood duriaw wa 30°C lane palat ya ini cha ki thaw wa man loom.
Discussion about this post