Kdok doh u Modi ya ka khon masi wa pdiang u ha yung sah u

U Prime Minister ka ri, u Narendra Modi ha ki rynsan Social Media da pyntip u wa da pdiang u ya kawi ka khon masi kam ka dkhot thymme ka yung u ha thaw sah u ha 7 Kalyan Marg ka nongbah New Delhi wei ya kani ka khon masi da e pyrtuid ka ‘Deepjyoti’.

U Modi da ong u wa katkam ka ‘Gaav: Sarvasukha Prada’ man iwa miat wa bha hawa pdiang dkhot ha i yung yong oo ha Lok Kalyan Marg heiwa kawi ka masi da kha khon ko wei i khon ko em ko i dak i che ha thnga, kamtæ da pyrtuid ya ka kam ka ‘Deepjyoti’.

Ha i Video da pynyoo leh ya u Modi wa biah tika u ha thnga kani ka masi wei da doh u ka leh kdok wei da yah u ka leh hakhmat ka dur blai wei da pyndeiñ syntu u ya kani ka khon masi.

U Prime Minister da jooh booh u leh ya ki dur ki masi wa em ha yung yong oo deiwa kyntu wow yada wei wow pynneh ya ki. 

Related posts

Mynsoo joor ki ar ngut hadien wa noh ka Truck chapoh riat ha Ri-Bhoi

April 23, 2026

Maham ki muktiar ka East Jaiñtia Hills wow lai cha ka NGT lada ym yada ya ka Wah Litein nei thmu tih moochuni ka Shree Cement

April 23, 2026

Da ong u leh wa ki masi man ki ka bynta wa khroo ha i rukom im ki paidbah ha ri India. 

Ki masi wa im ha yung yong oo toh ki jait Punganur kiwa na Andhra Pradesh wei man ki ki jait masi wa pawnaam bha.