theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Kem chwa tæ phah takit wei toh u rai pasi ya ki pulit wa tyngkheiñ aiñ: KP Pangiang

Ka Hill State People’s Democratic Party (HSPDP) da dawa ko wa toh u kem wut-wut ya ki pulit kiwa da siat yap ya 5 ngut kiwa chong chnong ha Mukroh ha ka 22 tarik, wei hadien ini wow leh ya ka takit da ka CBI lane NIA.

U President ka HSPDP, u KP Pangniang da ong u wa katkam ka aiñ yong ka ri hadien wa da ujor ya ka FIR toh u kem noh ya kiwa pynyap bru yow em ki hapoh phatok, hanla em ka hok wow chah bichaar.

Advertisement ad1

Da ong u leh wa da em ka hukum yong ka Supreme Court hawa yatoh manda em i siat da ki pulit, katæ ha ka Case yong ka Nana Nani Park kawa da jia ha Mumbai, heiwa kiwa bichaar yong ka Supreme Court ha itu i por da pynyoo che ki ha ka hukum wa kam ya kitæ ki bru kiwa man yong ka aiñ tangwa da leh ki pyrchah ya ka aiñ wei pynyap pyrchah ya ka aiñ ya kiwa lui-lui toh u pynchitom deiwa pasi wei pynyap chisyndon.

U Pangniang da ong u wa ya kam ini i jia da maad ha Langpih, wei ym tip hadooh katwon i rukom krehkaaam ka CBI, ka NIA lane ka Commission, tangwa katkam ka aiñ won hawa da dep wow ujor ya ka FIR da toh u kem syndon. Da ong u wa lada ka Assam ka krehlang sakhiat ko waka Meghalaya kawa da beiñ yei leh ki pulit Assam, da toh wow phah kem noh ya kitæ ki pulit wa pynyap bru wei e kti wow kset ha patok Meghalaya.

Da ong u wow leh kamwa da leh ha i por wa jia ha Langpih wow thung du da ka Commission wei toh du ka buit wow pynslem ke yei bichaar hok, neibhah i bichaar hok wa sakhiat toh u pyncitom bait ya kitu ki bru kiwa ksoh aiñ kiwa tyngkheiñ won ya ka aiñ.

Neiliang u President ka HSPDP da dawa u leh wa hapoh 45 sngi toh u pyndep noh yei pynbait ya u pood u ang yong ka bynta kawa ar khnang wa kam kini ym jia de i, wei ki jia wa sñiawsih u kut noh ki.

Advertisement ad1
Share this:
Previous

Yaam bru ka chnong Mukroh hawa pyndep niam ya ki san ngut 

Next

Ka sorkar toh u dawa ko u e kti ka Assam ya ki pulit siat bru cha ka Meghalaya: Mukul