Kem drug ki pulit ka EJH wa chong dor T. 13-15 lak wa le ngut ki baar ri na Africa wa psiah tooh chapoh India

Jowai: Ki pulit ka East Jaiñtia Hills da pyntip ki wa haka 12 wa 13 tarik uni u bnai da yoh kem ki uwi u bru wa dai drugs ha Khliehriat.

Ya uni u bru da yoh kem da ki pulit ka ANTF ka EJH, ki pulit ka Khliehriat PS waka Infiltration Squad hadien wa pynman ki yaka khynra kari haka 12 wa 13 tarik uni u bnai ha Khliehriat heipor miet ka 12 tarik hadooh wa kylla tarik.

Na uni u bru da yoh kem 10,000 tylli ki dawi kuli wa tip kam ki WY tablet kiwa khia 1 kg iwa chong dor kamwa 13-15 lak, wei uni u bru toh uwa lai luti na Silchar cha Guwahati da kawi ka Night Super Bus wei ya i pyrtuid uni u bru ym pu em pyntip ki pulit neidaw wa ka takit dang lai ko cha khmat.

Haka jooh ka miet ka 12 tarik hi da kem ki pulit ya ki le ngut ki baar ri, uwi na Ivory Coast wa arngut na Nigeria kiwa lai luti da kawi ka Night Super Bus na Silchar cha Guwahati. Hawa takit ki pulit da phla ki wa wan ki na Africa cha Bangladesh deiwa em yaka VISA tangwa da psiah tooh ki cha ri India na jylla Tripura haka 12 tarik uni u bnai heipor step.

Related posts

Yoh pynlait ya ka kynthai kawa na East Jaiñtia wa chah kset yabor ha Delhi

May 11, 2025

Yoh kem mooyong hadooh 6000 MT ha East Jaiñtia Hills

May 10, 2025

Na Agartala, Tripura da wan ki da ka kari hadooh Silchar deiwa em wa yarap ya ki neiliang ka Bangladesh kamjooh neiliang India.

Heiyatoh wa ini da kem ya ki wei da pynngat ya ki hapoh ka kyndon 14/14A/14C ka Foreigner’s Act.

Ya kini kiwa chah kem da tip pyrtuid kam u Nnyigide Jamina Okenchukwu S/o (L) Michael Nnyigide, R/o Akuchukwu, Ojo, Lagos, u Okeke Ifechukwu John S/o John Okeke, R/o Azia, Ihiala, Anambra wa u Koman Daniel S/o (L) Nobert Koman, R/o Amorka, Anambra uwa em yaka Ivory Coast Passport.