Jowai: Ki pulit da pyntip ki wa haka 10 tarik uni u bnai heipor 2:30 i sngi hadien wa yoh yutip ki wa tikna, da kem ki ya soo ngut ha Umkdait, Nongmensong, Shillong. Hawa khynra ya kini ki soo ngut da chem ya 4.03 gram wa suba toh i drug Heroin na u Aman Lyngdoh Mawnai (20 snem) wa 0.73 gram iwa suba leh toh i drug Heroin na u Manoj Biswa (28 snem). Katwa na kiwi ki ar ngut ym em chem iyi iyi leh.
Haka 9 tarik won heipor 2:30 i sngi hadien wa yoh yutip ki pulit na kiwa sah Mawlai Mawroh, Shillong wa da yoh kem ki ya kiwa suba dai wa kiwa thied drug, ki pulit da lai ki wut wut cha kani ka thaw wei da kem ki ya 5 ngut ki bru.
Hawa thooh na kini ki 5 ngut da chem yaka poisa wa T.18,750 wa 0.94 gram wa suba toh i drug Heroin na u Khrawbok Pomthet. Katwa na ki soo ngut won ym em chem iyi iyi leh.
Discussion about this post