Ki chipai ka Assam Rifles haka 7 tarik uni u bnai ha Mizoram da yoh ki wow kem 203 gram i drug Heroin wa chongdor T. 81 lak wa u kwai wa khayi tooh wa chongdor T. 22 lak najan Champai District. Ya kiwa kit ya kini ki mar da ekti cha ki chnat sorkar wa toh u pait ya ini.
Haka jylla Manipur won, ki chipai ka Assam Rifles deilang wa ki pulit ka Manipur da yoh ki wow kem ya u dkhot ka PLA na chnong Langthabal, Thoubal District haka 5 tarik uni u bnai katwa haka 7 tarik won da yoh wow kem ya uwi u dkhot ka KNF na Kangpokpi District.
Ki chipai ka Assam Rifles ha Mizoram biang, haka 6 tarik da yoh biang ki wow kem ya 34 Ton u kwai wa chongdor kamwa T. 97 lak najan i chong Hruaikawn, Champhai District. Ya kiwa kit ya uni u kwai da ekti cha ka chnat Customs.
Ha Manipur biang, ki chipai ka Assam Rifles da yoh ki wow kem ya u dkhot ka KYKL na Bishnupur District haka 4 tarik uni u bnai wa uwi u dkhot ka ZUF (J) na Imphal West District haka 5 tarik. Ya waroh ar kini da ekti cha ki pulit.
