Shillong: Ki pulit ka Anti Narcotic Task Force, East Khasi Hills ynne ka sngi heipor kamwa 7:00 waje i step da yoh kem ki ya ar ngut ki manbei wa suba joor toh kiwa pyllai yaaw ya ki drugs.
Ya kini ki bru da tip pyrtuid kam ka Thangknikim Hoakip (43) wa ka Losangpuia Ralte (22) wei da kem ya ki na kawi ka kari kamai (Local Taxi) wa em ya u number ML 05 G 6013 na ka thaiñ Demthring, Shillong.
Na kini ki ar ngut ki bru, ki pulit da yoh kem ki 110 Gram i Drugs,T. 9,600 ka poisa wa ar tylli ki Mobile Phone.
Kini ki ar ngut toh kiwa sah ha Happy Valley, Shillong wei ka takit dang lai ko cha khmat.
Discussion about this post