15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Da ka Road Show wan pynbna ka sorkar wa daw e sikai mynkna ya ki 7000 ngut hapoh ka jylla yow yoh kreh

0 Comments
Advertisement ad1

Jowai: Kam chibynta wow yarap ya ki khynroo khyllood ki wym ye u pyndep ya ka puræ puthi deiwa e ya ki i sikai wa mynkna ha ki jait kaam wa boonjait, ynne ka sngi da pynman ya ka Road Show ha Iawmusiang yow pynsñiawthooh paidbah ya ka Supporting Human Capital Development in Meghalaya kawa kyrchaan da ka Asian Development Bank wa pynkrehkaam ka Meghalaya State Skill Development Society waka AIDE-ET-ACTION.

Da pyntip wa ya kani ka Scheme da pynbna paidbah u Montri Rangbah ynnin ka sngi wei ha kani ka kynti wa sdang daw e sikai ya 7000 ngut wei daw pynku katwa dang lai cha khmat.

Da sdang leh ya kani ka Scheme toh neidaw wa ki khynroo khyllood wa pyndep puræ hadooh Class 10, eh bha ki u yoh kreh neibhah ym em ki i sap (Skill) wa ye ki u pynekaam lada thooh kreh ki. Kamtæ hapoh kani ka Scheme da jied 9 jait ki e sikai heiwa kiwa pyndep Class 5 da ye ki u yaleh wow yoh ya kini ki esikai wa mynkna.

Da yabhah ya kini ki jait kaam ha ki 9 bynta wa tip kam ka:

  1. Beauty & Wellness-heiwa kiwa chah hikai daw man ki kam ki Beautician, Hairstylist, Pedicurist wa ki Manicurist.
  2. Health-heiwa kiwa chah hikai daw man ki kam ki General Duty Assistant namo ki Nursing Aides ki wow yarap ya kiwa kjut wa chitom kamjooh kiwa yarap yei emkaam ki Nurse.
  3. Hospitality- heiwa kiwa chah hikai daw man ki kam ki Steward & Beverage Service wa kam ki Waiter ha ki Restaurant, wei daw yoh ki leh ki i sikai hei yatoh waka akor burom yow ye ki u kreh ha ki khawai heh.
  4. Housekeeping Attendant- Ha ini kiwa chah hikai daw tip ki kammon u pynkhooid yung, ki kamra, ki paikhana, ki Office wa kiwi kiwi.
  5. Retail-Ha kani ka esikai kiwa chah hikai u man ki kam ki Trainee Associate heiwa i kaam yong ki toh wow yarap ya ki bru wa wan thied tiar hapoh ki dukan yow ye ki u thied ya ki mar wa emkaam ki.
  6. Security- Ha kani ka kaam, kiwa pyndep ya ka daw man ki kam ki Unarmed Security Guard ki wow sonteri ya ki yung ki sem, ki bank wa kiwi kiwi ki thaw.
  7. IT/ITES-Ha ini won daw chah hikai wow yaklam wa ki bru kam ha ki Call Center lyngba ka Phone kawa tip kam ka CRM Domestic Voice.
  8. Tourism- Ha ini won daw e sikai kammon u man kam ki Tour Guide ki wow yarap ya kiwa wan uiñke Suwari.

Ya ka yutip wa bniah ye u wan mih cha ka office ki DC ha jar jair ki District ha ka wa sngi wa ar ka tayaw nadooh 10 waje i step hadooh 4 waje i janmiet wei ye leh u phone ha u number wa mykna 1800-345-3644.

Yow yarap ya kiwa boon wow sniawthooh ya ini da em ka leh droma wa tbian na ki khynnah puræ ka St. Anthony’s College, Shillong kawa klam chaphang wa kammon wa ym hoi u dooh mynsien lada khanglaad u yoh khih yoh kreh.

Da pynwyrngia leh ya ki paidbah da ki chaad, ki Quiz, BMX Stunt, Beatboxing wa kiwi kiwi.

Advertisement ad1

0 Comments

Leave a Reply