Kem ka CBI ya u heh pulit uwa baam tangka deiwa chem Rs. 5 klur ka poisa deilang i ksiar i rupa

Ka Central Bureau of Investigation (CBI) ynnin da kem ko ya u heh pulit wa tip kam u Harcharan Singh Bhullar, Deputy Inspector General (DIG) ka Ropar Range yong ka Punjab Police heiyatoh wa ki kaam baam tangka wei da kem leh ya uwi u bru paidbah.

Ya uni u heh pulit da kem na yung krehkaam u ha Mohali, Punjab da ka CBI hadien wa pdiang u ya ka poisa wa Rs. 8 lak wei da tip yeini hadien wa ujor na uwi u bru ha Mandi Gobindgarh, Fatehgarh Sahib District.

U Bhullar da dawa u Rs. 8 lak deilang ka poisa wa man-u-bnai na uwi u Scrap Dealer yow pyndam ya kawi ka FIR wei yow lait u leh u chah takit yeini i khih dai naar jæd tin jæd u wei da pynemkaam u da uwi u bru kam u dalal wow yaklam neibynta yong oo.

Ka CBI da pynsakhiat ko yeini deiwa pynkhreh u kem ya uni u heh pulit deiwa bood ya u dalal hadien wa lai u e u ya ka poisa cha uni u heh pulit wei mar ya pdiang u ya ka poisa wa Rs. 8 lak da kem ya oo na yung krehkaam u wa em ha Sector 21, Chandigarh.

Ka CBI da lai kynreh ko leh ya ka yung krehkaam uni u DIG, i yung sah u wa kiwi de ki thaw heiwa da chem ka poisa wa Rs. 5 klur, i ksiar i rupa wa khia 1.5 kg, ki kot ki sla wa pynyoo yei mantre u ya ki thaw ki bhaw, ki chabi kari syad dor kawi ka Mercedes wa kawi ka Audi, 22 tylli ki waje syad dor, ki chabi Locker, 40 litre i kiad wa wanrah na baar ri, kawi ka suloi Double Barrel, kawi ka Pistol, kawi ka Revolver, kawi ka Airgun deilang ki kuli.

Related posts

I yakhih toh wow dawa yei hok khnang wow pyndap ya u kpoh wa ka yung ka sem, ong ka manbei na Tuber Kmaichnong

November 6, 2025

Pynche ka MCTODA yei dawa deiwa kyrpaad wow pynlait ya ki President ka seiñ

November 6, 2025

Da chem leh Rs. 21 lak na u dalal uni u heh pulit.

U Bhullar da chimkti u kam u Ropar Range DIG ha ka 27-11-24 hadien wa man u kam u Patiala Range DIG wei man u leh u khon u Mehal Singh Bhullar uwa jooh man kam u Director General of Police (DGP) warim ka Punjab.