15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Kem ka chnat Forest ya u Moochuni wa da tih tooh ha Amtapoh

Advertisement ad1
Advertisement ad1

Hadien wa yoh ya ka ujor na ki paidbah hajrong i tih tooh ya u moochuni hapoh ka Amlarem Sub-Division, neiliang ka yung krehkaam u Divisional Forest Officer (T) chirup wa ka yung krehkaam u SDO (C) ka Amlarem, ynnin ka sngi da pynman ki ya i lai sylli ki ya ki thaw tih moochuni. 

Hawa yaklam wa u SDO, u Abhilash Baranwal, IAS da ong u wa i lai kynreh toh hadien wa yoh ujor na ki paidbah lyngba ka email ha yung krehkaam yong oo hajrong i joor i sahkut kari wa i tih moochuni tooh ha ka thaaiñ. 

Da ong u wa ya i sahkut kari da ye u pynlait deiwa pynkylla ya i rukom lai ki kari deiwa booh ya ka Sectoral Arrangement System.

Heiyatoh won wa i tih moo tooh, ya i lai kynreh lai sylli ya ki thaw da leh da ka yung krehkaam u DFO (T) hadien wa yohbor na ka yung krehkaam u SDO wei ini da sdang nadooh ynnin ka sngi. 

Ha ini i lai sylli da kem noh ya u moochuni wa dadep tih ha Amtapoh ya uwa da tih khlem yohbor (Mining Lease) wei heipor wa lai ym em u chem ya ki bru kamjooh leh ki tiar wa pynemkaam wow tih moo. 

Chooh chooh da pyntip u wa ha ka yung krehkaam u DFO (T) da em bait ki tiar GPS wow pait kiwon ki thaw wa da yoh bor wow tih wei lada ki kot ki sla wa tih moo dang man ki kiwa im (Valid). 

Neiliang ka yung krehkaam u DFO da leh ki yeiwa emkaam hajrong ini katkam ki kyndon ka aiñ. 

Share this:
Previous

Da pynthymme yei dor phñiang charak ha West Jaiñtia Hills

Next

Da pynkylla yei dor phñiang charak hapoh Amlarem Sub-Division