Ka Directorate of Revenue Intelligence (DRI) da pteiñ ko yei kaam pyrchah yei khayi tooh yei ksiar chapoh ka ri India heiwa ki bru ka DRI da yoh ki wow kem ya 8 tylli ki yusong wa em ki kor “Electric Current/Potential Meters” kiwa da pynbna kam ki “Current Guiaor Machine”, kiwa da wan na Hong Kong hapoh ka Foreign Post Office, New Delhi.
Hawa pait sylli ya kini ki tiar da chem wa kini ki Electric Meter toh kiwa krehkaam kiwa em leh ya ki Circuit Board. Tangwa da sdang wow suba wa em iwa phær ha kini ki tiar neidaw wa khia bha ki khamtam ka tiar wa tymmoh najrong (Cover).
Kini ki kor Electric Meter toh kiwa em 56 tylli kiwa biah rong yong wei manda sdang u khoh yei rong ka Cover da chem wa em i rong lieh hapoh iwa sariem wa i rong i nar (Steel). Kamtæ da pynemkaam da ka kor Spectrometer heiwa da chem wa kini i tiar toh kiwa da chna deiwa khleh i ksiar 30% wa i rupa 70%.
Da chem wa i ksiar man i 16.67 Kg katwa i rupa won 39.73 Kg iwa chongdor waroh Rs. 10.66 klur.
Katkam wa chem i takit, da suba wa da em ki bru wa chalak bha wow leh yeini i kaam heiwa da khleh yei ksiar wa i rupa heitæ i rukom wym mih de i rong ksiar hadooh wa man kam i rong lieh kam ki jait naar wei hadien wa leh yeini da biah sa i rong yong yow lait u em iwon iwon i suba.
Discussion about this post