Kem ka France ya ka jhaad kit phñiang ka Russia

U President ka France, u Emmanuel Macron da ong u wa ka French Navy da kem ko ya ka jhaad kit phñiang ka Russia ha ka 31-05-26 neibhah wa man ko ka jhaad yong ka ri wa chah daiñ kuna (International Sanctions).

Kani ka jhaad wa pyrtuid ka Tagor da chah kem ko ha Atlantic Ocean heiwa da kem ya ka dei krehlang wa kiwi ki ri wa kynthup ya ka United Kingdom.

U Macron da ong u wa ymye wow chah ya ki jhaad wow lai ki na ki duriaw ka pyrthai pyrchah ya ka aiñ kam neibhah wa yoh poisa ka Russia na ki ha ka thma pyrchah ya ka Ukraine kawa palat 4 snem.

Da ong u wa kini ki jhaad ym bood ki ya ki kyndon duriaw ka pyrthai wei booh ki hei maa ya ka mariang wa i chngaaiñ kiwi.

Related posts

Chah pynyap u Biskash Dhar uwa man u heh ka BJP | Chong sier mynsien ki chnong ha khappood Assam-Tripura

August 14, 2026

Ym chim bai psiah cha ka Ward’s Lake wa ka Phan Nonglait Park neibynta chi sngi

August 14, 2026

Heiyatoh wa ini, u Press Secretary u President ka Russia, u Dmitry Peskov da ong u wa ini i leh ka France man i pyrchah aiñ wei man i kaam tooh wei kaam lehbor (Piracy).

Kam wow kdaw heini ha u April 2026 ka European Council da booh ko ya ki kyndon kuna pyrchah ya ka Russia wa kynthup nadooh i khayi pateiñ, i chalan phñiang wa kiwi.