Jowai: Ka KSU Mawprem Circle deilang waka KSU Upper Shillong Circle, ynne i janmiet da pynman ki ya ka khynra drugs wa syndet syndet ha ki thaaiñ ka Cantonment wa kynthup leh ya ka Jhalupara.
Ha kani ka khynra yong kini ki ar Circle, da yoh wow kem hadooh 10 ngut kiwa khayi drug deilang wa ki drug wa da song bha ha ki kot wa ki tin Golden. Ini i leh kini ki ar Circle toh hajrong ka yurim wa da yoh yutip na ka por cha ka por na ki paidbah wei kamjooh leh na kiwa dih drug kiwa da jooh chah kem ha ka seiñ wa katai ka thaaiñ man ko ka yaw wow dai wow thied drug da roi bha ko.
Kini ki ar tylli ki chnat krehkaam ka KSU da maham ki wow pynkhlan chooh chooh ya i khynra ya kini ki thaaiñ kam chibynta wow pyndooh yei kyrni yong ki khyroo ya uni u jait dih wa chirkhei.
Ya kiwa khayi drug da e kti cha ka Jhalupara Police Out Post yow leh ki ya iwa emkaam.
Ini toh katkam ka khubor na u Arrestone Thabah, President KSU Mawprem Circle wa na u Shngain Sohklet, President KSU Upper Shillong Circle.
Discussion about this post