Ka National Investigation Agency (NIA) ka ri India, ynnin ka sngi da kem ko ya ki ar ngut ki suba wa man dkhot ki yong ka ISIS na sorbah Bengaluru.
Kini ki ar ngut kynthup ki ya u Ahamed Abdul Cader (40 snem), na Ramanathpuram, Tamil Nadu wa u Irfan Nasir (33 snem), na Frazer town, Bengaluru heiwa u Abdul toh uwa kreh ha kawi ka Bank ha Chennai katwa u Nasir won toh uwa dai khoo ha Bengaluru.
Heipor wa pynman ya ka takit da chem wa kini ki ar ngut da lai ki cha Syria ha u 2013-14 wow man kam ki dkhot ka ISIS wei da chem chooh chooh hawa takit ya uwi u bru wa tip kam u Dr. Abdur Rahman ya uwa khut sin kam u Dr. Brave, da chem wa kini ki ar ngut toh ki dkhot ka Hizb-ut-Tehrir wei da sdang ki ya kawi ka seiñ (Group) wa tip kam ka ‘Quran Circle’ wow sneiñ pynbiej ya kiwi.
Ya kini ki ar ngut da yah ya ki haphrang ka yung bichaar heiwa da rai wow kset ya ki 10 sngi hapoh ka NIA.
