Kem ka NIA ya ki ar ngut wa yarap ya ki Terrorist wow siat yap ya ki 26 ngut ha Pahalgam

Ka National Investigation Agency (NIA) ynne da kem ko ya ar ngut na Pahalgam kiwa e thaw sah ya ki Terrorist ka Pakistan kiwa da emkti wow siat yap ya ki 26 ngut wei pynmynsoo ya ki 16 ngut kiwi tawon ha ka 22 tarik u April. 

Kini kiwa chah kem toh u Parvaiz Ahmad Jothar na Batkote wa u Bashir Ahmad Jothar na Hill Park kiwa em ha Pahalgam wei kini da yarap e thaw sah, e baam wa kiwi de ya ki le ngut ki Terrorist ka Lashkar-e-Taiba (LeT).

Ka NIA da ong ko wa kini ki Terrorist deiwa yarap kini ki ar ngut, da sah ki ha iwi i trep ha Hill Park chwa wow siat yap ya ki 26 ngut.

Related posts

Chah tooh i ksiar wa ka poisa na iwi i yung ha Shillong | Yoh lut ka CCTV u riñ

August 30, 2026

Chah beiñ wei chah yaroh u pulit uwa rah ya kawa mynsoo ha kti khlem da pynemkaam da ka kari wa bood nadien

August 30, 2026

Hawa takit ya kini ki ar ngut da phla ki wa ki 3 ngut toh kiwa na Pakistan heiwa da phla ki leh wa kini ki Terrorist da jied ki ya ki Hindu donhi chwa wow siat yap ya ki.

Ka NIA da pynngat ko ya u Parvaiz wa u Bashir hapoh ka Section 19 yong ka Unlawful Activities (Prevention) Act, 1967.