Kem ka tnat custom hadooh 93 song u bhang wa chongdor palat T. 1 klur

Shillong: Ynne ka sngi heipor kamwa 11:30 waje i step kiwa kreh ka tnat Custom da ksoh ki ya kawi ka truck wa em ya u number BR 01 GB 8195. Ya kani ka truck da ksoh ha ka thaiñ Diengpasoh, Bypass.

Kiwa kreh ka Custom da yoh ki u ksoh ya kani ka truck hadien wa yoh yutip wa tikna ki wa kani ka truck toh kawa kit bhang wei thmu ko u lai cha Bihar.

Hadien wa kem ya kani ka truck neiliang kiwa kreh ka Custom hapoh i yahkhmat u Commissioner yong ka u Isac Kharkongor da kynreh ki ya kani ka truck wei da chem ki 93 song u bhang uwa khia 12 Kg wei uwa chong dor T. 15,000 chisong.

Da kem leh ya uwa yah uwa tip kam u Arwind Rai (30) wa u wa yarap ya oo u Munil Rai (32). Katkam wa ong uwa yah da phah yah ya kani ka truck nadooh na Lumchong, EJH wei da tyrwa ya oo T. 30,00.

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

U Commissioner ka Custom, u Isac Kharkongor da ong wa utai u bhang toh uwa wanrah na Tripura wei da thmu wow pynpoi cha Bihar, wei hadien wa yoh yutip wa tikna ki neiliang ka tnat da booddien hadooh wa yoh u kem ya ka ynne ka sngi wei i dor uni u bhang waroh toh da palat chiklur tyngka.