15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Kem ki ar seiñ ya ka truck pulit wa kit dieñ tooh na NGH

0 Comments
Advertisement ad1

Tura: Ki dkhot ka Garo Students Union (GSU) waka All A’chik Youth Federation (AAYF) ynne i step heipor kamwa 5:30 da kem ki ya kawi ka Truck wa kit dieñ tooh wa em number pulit ML-02-3011 na jan ka yingkeiñ Sarangma, North Garo Hills kawa em hajan wa ka Dainadubi khapood wa ka Assam.

Kini ki ar seiñ da pynbaad ki wa ya kini ki dieñ da pam napoh ka Ronjeng Reserve wei uwa yah ya kani ka truck da em wa su ya oo wow leh u ya ini i kaam.

Kani ka truck toh yong ka 5th Battalion Samgong Williamnagar, East Garo Hills wei hapoh yong ka deilang wa uwa yah kari da em kamwa 4-5 ngut ki bru wa da suba wa emkti lang ha ini i kaam kiwa da yohlaad u yut katwa ya uwa yah da yoh kem ya oo wei da e kti cha ki pulit ka Dainadubi Outpost, North Garo Hills.

Kani ka truck toh kawa mut u lai cha Shillong wow li booh tiar kamtæ uni uwa yah da mut u jan deiwa pynemkaam da ka kari pulit ym em wow kem oo.

Ya kini ki dieñ da suba toh wa mut u chalan cha Assam wei neiliang ki ar seiñ leh da dep booh FIR ki pyrchah ya uwa yah kari uwa tip leh kam u Sanjay Sangma.

Ya ka truck da chimkti ka tnat Forest.

Advertisement ad1
Share this:
Previous

Pynman ki khynnah ka Shlem Hikai Tynre, Cham Cham yei pynkhooid chnong

Next

Chirup wa ki chipai BSF pynkhooid chnong ki paidbah ka Ratacherra