Kem ki pulit ar ngut wa suba emkti wow dat ya ka Agnes wa ka Anita

Jowai: U SP ka EJH da pyntip u wa heiyatoh wa iwa jia ha Shohshrieh ynnin ka sngi heiwa ka Agnes Kharshiing waka Anita Sangma da chah dat ki ha ki damok, neiliang ki pulit da chim ki wow takit ya kani ka kaam (Suo Moto Case) neidaw kiwa chah ktah kti da joor i chitom ki kamtæ ym ye ki u e FIR.

Ya ini iwa jia ki pulit da pynnat ki hapoh ka kyndon 307/392 IPC kiwa yatoh i thmu wow tynyap bru wei wow lute.

Ya kani ka kaam da takit da u DSP wei ynne i step ki pulit da hiar ki cha Kongong wa ki thaw wa em cha jan wei da kem ki ya ki ar ngut kiwa suba emkti ha ini i kaam kynthup u Elphon Dkhar uwa 22 snem wa u Mekilson Siangshai wa 26 snem.

U ksoh ki pulit ki 5 sngi yow tip ki yi de kiwa emkti ha kani ka kaam.

Related posts

Yoh kem ki pulit ya uwa dai Drugs ha Soo Kilo

January 9, 2026

Yoh kem ka DRI 29 Kg i ksiar wa ka poisa wa Rs. 2.90 klur na Delhi wa Agartala | Emkti kiwa na Bangladesh wa na Dubai

January 7, 2026

Ha iwi tawon i liang ka yutip wa yoh chaphang ka Agnes toh dang em ko hapoh ICU wei da em boon tylli ki kha ko na khlieh tangwa ym em ktah ki ya i jabieñ wei ym emkaam leh u pooid ya ka.

Daw leh biang ya ka CT Scan mynstep ka sngi.