Ki pulit ka Assam da lai khang ki ya 8 tylli ki Call Centre wa leh ya ki kaam wa pyrchah aiñ deiwa thok chukor ya ki bru da ki klur tangka ha kylleiñ ka ri India deiwa kam wa ki toh kiwa e yarap namo ki Technical Support wei da kem ya ki 3 ngut kiwa da sdang ya kini ki kaam deilang wa 191 ngut kiwa kreh.
Ki pulit ka Police Crime Branch ka Assam deilang wa ki pulit ka Guwahati ha ka 16 tarik uni u bnai da lai ki cha kiwa boon ki thaw wa em ha Guwahati wei da chem ki ya kini ki 8 tylli ki Call Centre kiwa da krehkaam kattu la 8 snem wei ya kani ka poisa da pynemkaam yow thied Bitcoin wei da pynlai lyngba ki Hawala yow lait u chemdien ka.
Da chem leh wa kini ki Call Centre em bru kiwa kreh wa ki ha kylleiñ ka ri wei kini ki bru da thok chukor ki leh wot ya ki bru wa em cha baar ri.
I rukom chim kabu ki toh deiwa pynemkaam ya ki Pop-Up kiwa mih ha ki Computer wa da ong wa em Virus ka Computer wei yow lait neini da e ya u Number wow Phone ki bru wei em i por da Phone ki da ki cha kini ki bru deiwa kam toh kiwa kreh ha ki Bank, kiwa kreh Microsoft wa kiwi ki Company wot hadooh wow kam toh kiwa kreh sorkar wei kamjooh yong ki Online Shopping.
Kini ki bru da pynbiej ki ya kiwa boon kiwa da su da thied ya ki mar hadooh ki Software wa thok hi-eh ki wei em won deiwa phah Install Software ha ki Phone ki Computer ki bru kiwa tooh ya ki Bank Account, ki Credit Card wa Debit Card Number ki bru.
Da pynemkaam ki leh da ki Toll Free Number wa yoo kam ki Number ki Company hawa Phone cha ki bru wei manda Phone cha baar ri da pynemkaam ki da ka Voice Over Internet Protocol (VoIP).
Ki heh ini i kaam wa cheh kem toh u Debajyoti Dey (31 snem) uwa na Karimgangj District, Assam, u Rajan Sidana (39 snem) uwa na Ludhiana, Punjab wa u Divyam Arora (31 snem) uwa na Delhi.
Iwi wa chah thok ki bru toh wa manda Google ki bru ya ki Customer Care Number ki Company tæ mih da ki Number kini ki bru iwa pynman won ya ki bru wow chaniah ya ki.
Discussion about this post