Ki pulit ka East Jaiñtia Hills District wa kynthup ya ki ANTF wa ki pulit ka Khliehriat PS ynnin ka 15 tarik da yoh ki wow kem ya uwi u bru wa tip kam u Shokhothang Touthang (41 snem) uwa na Manipur heipor wa kynreh kari ha BMS Petrol Pump ha Nongsning.
Na uni u bru da yoh 26 tylli ki khieh sabon wa em Heroin wa khia 278.03 gm wei uni u toh uwa wan na Aizawl yow lai cha Shillong.
Ha kani ka jooh ka sngi da yoh leh wow kem ya u Sujit Paul (31 snem) uwa na Karimganj, Assam uwa da pyrchang wow yut wei napoh ka kari Socrpoi da chem 33 tylli ki khieh sabon wa em Heroin wa khia 353.34 gm wa da murieh hadien kani ka kari kiwa da mut u wow lai kit cha Shillong.
Ki pulit da yoh ki leh wow kem T. 4700 na uni u bru deilang wa kani ka kari wa em Number MZ-01D-6525.
Kini ki drugs waroh da chongdor ki T. 4 klur.
