Ynne i step heipor kamwa 4:00 waje da yoh yutip ki pulit wa daw em i khayi drugs da kawi ka manbei wa tip kam ka Lathazuali Ralte deiwa phah ko ya ka Lalduhwami Ralte wow rah drugs na Mizoram cha Shillong ha ka Tata Sumo wa em Number ML-05K-2432.
Heipor 5:00 waje i step won da yoh u ksoh ya kani ka kari na Ladrymbai hajan Friends Hotel wei katkam ka NDPS Act hei sakhi ki bru samen da kynreh ya kani ka kari wei da chem ya kawi ka muna rong yong wei manda wai ya kani ka muna da em kawi ka Plastic rong yong kawa em san tylli ki khieh sabon wei hapoh kini ki khieh da em Heroin wa khia 55.68 gms.
Manda takit ya ka Lalduhwami Ralte, ki pulit ka East Jaiñtia Hills Police da lai ki cha Shillong wow kem ya ka Lathazuali Ralte kawa da phah rah ya ini i drugs. Ya ka Lathazuali Ralte da kem na i yungwai ko wa em ha Demthring, Madanriting dei yarap ki pulit ka Madanriting Police Station wei da yah ya ka cha Ladrymbai.
Hajrong ini da Register ya ka mukotduma ha Khliehriat PS Case No. 22(3)2023 U/s 21(b)/29 NDPS Act wei i takit leh dang lai i chaphrang.
Kini ki manbei wa da chah kem toh ka Lathazuali Ralte kawa 45 snem wa ka Lalduhawmi Ralte kawa 42 snem na Kana Veng, Champhai District, Mizoram.
Ki mar wa da kem kynthup ki ya u Heroin 55.68 Grams wa ar tylli ki Mobile Phone.
