Ki pulit ka Madanrting Police Station da yoh ki wow kem ya uwi u bru wa tip kam u Andrew Umsong (23 snem) uwa da emkti wow tynyap ya u Snor Kharkongor (40 snem).
Ini toh hadein wa ki pulit da pyntip cha ki ha ka 13-06-22 wa heipor kamwa 6:00 waje i janmiet da chem yei metyap u Snor Kharkongor uwa naka chnong Rasong na iwi i synrang wa em ha i thaw wa tip kam i Mawriwar East wa em ha ka chnong Pyngka.
I metyap wa da chem toh iwa da pyut bha wei da kit cha NEIGRIHMS yow leh yeiwa emkaam.
Hadien ini haka 22 tarik won da ujor FIR da kiwa hayung u Snor wa da suba ki wa chah tynyap u wei hadien wa pynman ya ka takit da kem ya u Andrew Umsong uwa tipmit ya u Snor uwa da rieh ha ka chnong Nongwar wa haap hapoh ka Sohra Sub-Division wei na oo da chem leh ya ka Mobile Phone u Snor.
U Andrew da phla u leh wa da tynyap u ya u Snor deiwa ksih ya oo na rdang dep te noh u yei metyap chapoh synrang.
