Ki pulit da yoh yutip wa tikna ki wa u Finance Secretary of Kangleipak Communist Party (KCP) – People’s War Group (PWG) kawa man ka seiñ kieñsuloi wa da khang (ban) ha Manipur rieh u ha Nongthymmai, 15th Mile, Byrnihat wei emkti u hei kaam dawa poisa ha kylleiñ.
Kamtæ ki pulit ka Ri-Bhoi District da kem noh ki ya u Khundongbam Herojit Meitei ynnin ka i miet heipor kamwa 8.30.
Na uni u damok da chem ya ki tiar kam ki mobile phone ar tylli, wa kiwi ki kot ki sla.
Hawa takit da phla u yoh u dkhot ka KCP(PWG) wei da pynlang poisa i neibynta kani ka seiñ wei da rieh u ha khappood ka Assam-Meghalaya khnang wow lait u chah kem neibhah ka sorkar pynjoor bha ko u kdong ya kiwa pynawri ha Manipur.
Da suba leh wa emkti u wa kiwi ki seiñ na Myanmar wa Nepal heiwa da chah kem u ha u 2024 ha Manipur wa em tiar siat u, da chah kem u leh ha u 2018 heiyatoh wa i kaam drugs.
Hadien ini da register ya ka case ha Nongpoh PS, wei i takit dang man iwa lai chaphrang.
Discussion about this post