Ki pulit ka Meghalaya ynnin ka 18 tarik da yoh ki wow kem sa uwi u bru hajrong i suba emkti wow tympdung Bomb IED ha Them Iewmawlong, Them Metor hei miet yong ka 9 tarik uni u bnai.
Katkam wa khana u Superintendent of Police ka East Khasi Hills, u Rituraj Ravi, da ong wa deiwa yarap ki pulit ka Ri-Bhoi wa Mairang, Eastern West Khasi Hills da yoh ki wow kem sa uwi u bru hajrong i suba tympdung Bomb Improvised Explosive Device (IED) ha Them Metor.
U SP da khana u leh wa uni uwa chah kem toh uwa da suba joor wa emkti ha itai i kaam, wei toh uwa emyatoh wa ki dkhot ka Hynniewtrep National Liberation Council (HNLC).
Ha iwi i liang, u SP da khana u wa ka chnat pulit da pynkhlan bha ko yei uiñ sonteri ha nongbah Shillong wei kamjooh ha waroh kawi ka District khnang wow yada nei jia wa ktah yei suk i saaiñ.
Kam wow pynkynmoo wa ki pulit kattu wa uni da kem ki la 7 ngut kiwa da suba emkti wow tympdung Bomb ha Them Metor.
Discussion about this post