Heiyatoh wa i chah pynbaad chohnoh wa i chah dat chah bom ki chi lok wa lai baamdoh cha Syntung hadooh wa khlaad uwi wei mynsoo joor arngut, neiliang ki pulit da pyntip ki wa da kem 27 ngut ki bru haka miet ka 9 tarik kiwa emkti ha kani ka kaam. Na kini ki 27 ngut hadien wa chem wa arngut toh kiwa dang khian rta wa uwi uwa da heh rta da pynlait yaki pyn na i thaw wa kem yaki.
Neiliang ki pulit da pyntip ki leh yeiwa chem ki ha ini i jia, wa ha i miet ka 8 tarik da yoh yutip ki heipor 8 waje i miet wa uwi u khynnah Khasi da chah dat u ha ki bru haka thaaiñ Passang ka Mawkynrew.
Ka takit ki pulit da chem ko wa waroh da em 9 ngut ki chynrang kiwa lai baamdoh cha Syntung wei manda liwan ki da em kiwa chong chnong da yang ki ki hajan Passang wei da dat ki ki.
3 ngut da mynsoo joor ki katwa 6 ngut da yoh ki wow yut cha khloo wei hadien wa pynboon yaki pulit da yoh wow lai pynlait yaki kamjooh ya kiwa mynsoo ha i step synyaw ka 9 tarik heiwa uwi na kiwa mynsoo da khlaad noh u chwa wow poi cha Civil Hospital Shillong.
Ki pulit dang thooh ki ya kiwi kiwa emkti ha kani ka kaam wei heijooh i por da kyntu ki yaki paidbah wym toh u pynpoor yaki khubor thok heiyatoh wa kani ka kaam.
Discussion about this post