Kem ki pulit ya u Julius Dorphang hadien wa chem ka yung bichaar wa slaitbor u ya ka khynnah

U Julius K. Dorphang, u MLA warim ka Mawhati kamjooh leh u Chairman warim ka Hynniewtrep National Liberation Council (HNLC) da kem ya oo da ki pulit ka Ri-Bhoi ynne ka sngi hadien wa ka yung bichaar ka District & Session Court ka Ri-Bhoi da pynmih ko ya ka hukum wa chem ya oo kam uwa slaitbor ya ka khynnah ha ka 15-12-2016 hapoh ka aiñ POCSO. Ya ini leh da pyntikna da u SP ka Ri-Bhoi, u N. Lamare.

Nyngkong hadien wa thooh ya oo da ki bor ka aiñ da yut u heiwa da kem ya oo deiwa yarap ki pulit ka Assam na Guwahati haka 07-01-2017.

Kam wow pynkynmoo wa da e jamin ya u Dorphang ha ka 26-11-20 neidaw wym em man u uwa chait da ka yung bichaar Meghalaya High Court.

U Dorphang da chah bichaar u ha ki ar tylli ki yung bichaar kitæ hapoh Special Judge (POCSO) ha Nongpoh wa ha Special Judge (POCSO) ha Jowai.

Related posts

Chah kem ki le ngut kiwa rahbor ya ka kynthai na Byrnihat wei dai ka hei dor wa Rs. 3 lak ha Rajasthan

October 28, 2025

Hadien chi snem wa chah rahbor ka khynnah na West Garo chem ka na Delhi | Kha khon mar ya poi Tura

October 27, 2025

Ha ka 23-12-2016, ka Chairperson ka State Commission for Protection of Child Rights, Meghalaya da ujor ko ha u SP ka East Khasi Hills ha Shillong deiwa ong wa u Dorphang da slaitbor u ya ka khynnah kawa dang hapoh 18 snem.

Hadien ini ha ka 05-01-2017 da ujor biang ka Chairperson ka State Commission for Protection of Child Rights, Meghalaya wa u Dorphang da slaitbor u ya ka jooh ka khynnah hapoh ki thaw em em hapoh ka Ri-Bhoi District.