Kem ki pulit ya u Manoj Muksor wa u Vicky Dkhar deilang wa i Heroin wa chongdor Rs. 18 lak

Ynnin i sngi heipor 12:30 hadien wa tip tikna wa uwi u bru wa khayi drugs uwa tip kam u Manoj Muksor daw wan u neiliang Silchar cha Khliehriat deilang wa ki mar wa man pyrchah aiñ, kamtæ ki pulit ka East Jaiñtia Hills da pynsangeh kari ki ha Nongsning ha u sarokbah NH-6 wow kynreh ya ki kari wa wan neiliang Lumshnong.

Heipor kamwa 5:30 i janmiet da wan kawi ka Taxi wa em Number ML-11-3594 wa em 2 ngut wa chong hapoh chirup wa uwa yah wei hadien wa pynsangeh ka da chem wa uwi na kini toh u Manoj.

Hawa kynreh ya ka kari, da chem napoh ka muna u Manoj ar tylli ki khieh sabon wei da em i lakhit rong stem wa khia 21 gram.

Na uwi won uwa chong hapoh kani ka kari uwa tip kam u Vicky Dkhar, da chem na ka muna u wa em 34 tylli ki tadong khian wa em i lakhit wa khia 1.03 gram.

Hadien wa Test da pyntikna wa kini ki lakhit toh i Heroin iwa chongdor Rs. 18 lak.

Ki pulit da pyntip ki wa u Manoj Muksor toh uwa 23 snem i rta katwa u Vicky Dkhar toh uwa 26 snem i rta kiwa waroh ar na chnong Mihmyntdu.

Related posts

Chah tooh ka Scooty na pchem yung ha Mihmyntdu

March 15, 2026

Na Haryana, na Assam wa na Shillong kem ki pulit ya 6 ngut kiwa lute ATM ha East Khasi Hills

March 13, 2026

Na kini da kem leh ar tylli ki Mobile Phone wa ar tylli ki muna.

Puræ leh: Pynche ka Kur Dkhar heiyatoh wa u Vicky Dkhar