U Paras Singh uwa man leh kam u YouTuber, ha u YouTube Channel yong oo ini wa dep da ong u wa u MLA ka Congress u Ninong Ering ym toh u nong India wei ka jylla Arunachal Pradesh toh kawa em hapoh China.
Ya u Paras Singh uwa khut siñ kam u Bunty da chah kem u ha Ludhiana ynne ka sngi ya ini i klam beiñ u ya kiwi ki jaitbru iwa da ktah joor yei sñiaw ki jaitbru ka jylla Arunachal Pradesh heiwa da beiñ ya ini i klam u da kiwa boon nadooh u montri rangbah ka jylla u Conrad Sangma.
U Paras Singh da beiñ u ya u MLA ka Arunachal Pradesh hadien wa thoh u cha u montri rangbahdooh ka ri u Narendra Modi yow pynsñiaw yei pyrchah wow chah biang u sdang ya ka PUBG Mobile ha India.
Da beiñ u leh yei dur wa i rukom riam ki bru deiwa ong wa kini ki bru ym toh ki nong India.
Hadien wa e FIR pyrchah ya u Paras Singh, neiliang yong oo da pynmih u ya i Video ha YouTube yow paan-maap.
U MP ka Arunachal Pradesh uwa man leh kam u Minister of State ka sorkar pyrdi u Kiren Rijiju da pyntip u wa ki pulit ka Punjab da kem ki ya u Paras Singh heiwa da yaklam u wa u Police Commissioner ka Ludhiana yow rah ya u Paras Singh cha Arunachal Pradesh yow pynchitom ya oo katkam ka aiñ.
