theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Khang ka Assam yei lai i wan ki kari wa kit dawai, ong u Montri ka Mizoram

Advertisement ad1

U Montri ka chnat i chait i khiah ka jylla Mizoram, u Dr. R. Lalthangliana da kam u ynne ka sngi wa ki tiar sumaar, ki dawai wa kyntup ya ki COVID-19 Test Kit da chah khang ki wow psiah chapoh ka jylla kiwa wan neiliang ka Assam neidaw wa pynkrehkaam ya ka Blockade ha ka thaaiñ Barak Valley hadien wa mih i kynaad ha khappood.

Tangwa ka Assam da ong ko wa ym em kawon kawon ka seiñ wa pynman ya ka Blockade hapoh ka jylla. Ka jylla Mizoram kattæ da man ko kawi na ki jylla wa chah ktah bha ha ka khlam hapoh ka ri. U Lalthangliana da pynbaad u wa ki kari wa kit ya ki tiar wa ki dawai wa kynthup ya ki COVID-19 Test Kit, da sahkut ki ha NH-306 ha ki bynta ka Cachar District ka Assam.

U Lalthangliana da ong u leh wa kani toh ka Economic Blockade kawa da pynman da ka jylla Assam hi. Heiwa ki kari wa kit ya ki mar wa emkaam kamjooh ki dawai wa ye wow pynim ya ki bru da sahkut ki ha ka thaaiñ Dholai-Lailapur ka Assam. Chooh chooh da ong u wa daw yaklam wa ka sorkar pyrdi yow ye u lai biang ki kari.

Ka jylla Mizoram toh kawa chaniah kamwa 95% ya ki mar yong ka kiwa wan lyngba ka NH 306 kawa lai luti na Assam.

Ka chnat kaam pohyung ka Mizoram da dep thoh ko cha ka chnat pohyung ka sorkar pyrdi la arsien ha ka 28 wa 30 tarik u Naiynñiaw yow tuklar ya ini i chah khang sarok wei wow pynchna biang ya ki luti rel wa da em wa pynsih ha ki le tylli ki thaw ka Assam. Neiliang won u SP ka Kolasib, Mizoram da ong u wa ynne ka sngi Bibar ym em kari wa psiah chapoh ka Mizoram lait noh ki kari ki chipai nadooh wa mih i kynaad ha khappood.

Ki pulit ka Assam da ong ki wa ym em khang ya u sarok wei du ynnin ka sngi da em hadooh 70 tylli ki kari wa psiah cha Mizoram wei em leh kattu katni kiwa psiah cha Assam.

https://twitter.com/Dr_Thangtea/status/1421862995521507337

Share this:
Previous

Tia Chaphrang

Next

Oor khyndaw ha u sarok NH-06 ha Kuliang