15 49.0138 8.38624 1 0 4000 1 https://wyrta.com 300 0

Khang ka chnong Sohphoh wow noh roi ya ki Plastic

0 Comments
Advertisement ad1

Jowai: Ka Dorbar Chnong Sohphoh , West Jaiñtia Hills deilang wa ka ri India hi waroh kawi da lehkmen ki yaka lyngkhooh sngi kha u Mahatma Gandhi da iwa pynkhooid ya ka chnong nadooh ki luti syngkieñ, ki um baam, um dih, ki um sait um khlieñ kamjooh leh u sarok wa lai lyngba kani ka chnong.

Ha kane ka sngi da chimbynta da waroh kiwa chong chnong nadooh ki khynnah, ki khynroo khyllood wa ki manbei manpa kamjooh. Ha kani ka sngi ka chnong da rai ko leh wow pyndooh noh yei noh roi ya ki Plastic iwa da pyntngit pyntaroi ya ka chnong ka thaw wei wow pynsih yaka rymaw.

Ha chwa wow sdang ya kani ka pynkhooid chnong, da pynman yaka yalang wa tbian wei da yoh ya i klam tbian na u waheh chnong u Kishon Kharsahnoh wei kamjooh leh u Secretary chnong u Mutshwa Thabah. Ha i klam kini ki ar ngut ki waheh da ban joor ki ya kiwa chong chnong wow ya krehleng lang wei wow chim yei kitkhlieh neibynta ka khooid ka suba yong ka chnong ka thaw wei khamtam wow pynman ya ka chnong Sohphoh kawa lait na i noh roi ya ki Plastic.

Ha kani ka sngi da saam leh ya ki tin noh jhep cha waroh ki manyung wei da booh leh ya kini ki tin pyllang jhep cha waroh ki dong ki laad wa ha chi tymbud u surok. Da e sikai leh kammon wow noh ya i jhep deiwa yabhah ya i jhep na kiwa pyut wa kiwa ym pyut.

Da jied leh ya ki wow pyllang jhep na ki tin wa noh jhep wei wow booh ya ki ha ki thaw wa da pynkhreh. Kamtæ lyngba kani ka kyrwoh ka dorbar chnong da maham ki ya waroh kiwa chong chnong wei kamjooh ya kiwa lai wa wan kiwa lai lyngba ka chnong Sohphoh wa ym toh u noh roi ya ki jakhlia khamtam ya ki Plastic wei wow pynemkaam ya ki tin noh jhep kiwa da booh tymbud luti.

Da kyrpaad ya waroh wow ya krehlang neibynta ka khooid ka suba wa i bha i miat yong ka rymaw wa ka soodong sookun hi waroh kawi.

Advertisement ad1

0 Comments

Leave a Reply