Wow yada nei poor u khñiang COVID-19, ka chnong Sohphoh wa hap hapoh ka West Jaiñtia Hills District, Meghalaya da kani ka khubor na u General Secretary ka chnong Sohphoh u Mutshwa Thabah da pyntip ko cha waroh ki paidbah wa lai wa wan, wa da khang chipor ya ki bru wa nabar chnong wow psiah wow mih hapoh u pood u ang yong ka chnong Sohphoh ha waroh ki por waka sorkar jylla da pynkrehkaam ko yaka Curfew.
Hanla katæ leh, lada em won i bynta wym ye de u kiar, ki bru toh u pyntip chwa ki cha kiwa kitkaam chnong chwa wow psiah ki chapoh chnong Sohphoh.
Wow yada ya i dæ wa kamjooh leh ya kiwi tawan, ka chnong da bood pynrkhiñ bha ko ya ki kyndon katkam wa da booh wei da phah da ka sorkar wow lait na kani ka kjut khlam wa chyrkhei.
Kamtæ da kyrpaad ya waroh wow yakrehlang khnang wow ye u yaleh pyrchah neini i kjut. Lada em kiwon kiwon kiwa yaleh pyrchah ya kani ka hukum, ka chnong daw pynchitom ko katkam ki kyndon aiñ heijooh i por ka chnong ym kitkhlieh ko lada jia kammon kammon ya kiwa na baar chnong kiwa wan khlem da pyntip chapoh u pood u ang yong ka chnong Sohphoh.
Discussion about this post