Ka Dorbar Chnong Thangskai da iwi i yumut da rai wow khang ya u sarok wow lai na National Highway chapoh ka karkhana ka Dalmia Cement Ltd. ynne ka sngi ka 27 tarik uwa man leh u sarok ka chnong Thangskai wa haap hei pait ka dorbar chnong na i daw wa ka Company Dalmia da lai lait ko yaka soskular wa da ya soi waka chnong Thangskai.
Kawa kongsan ka phang man ko heiyatoh i thung kaam ya kiwa chong chnong heiwa haka soskular ka Company da kular ko wow thung kaam ya kiwa chong chnong tangwa man u snem ym em leh ya ini i kular yong ka.
Ha iwi tawon i liang heiyatoh wa u sarok wa lai na National Highway chapoh ka karkhana man u uwa sih hadooh kattæ kattæ, wei ka chnong da kyrpaad ko boonsien yaka Company wow chna ya u sarok neidaw wa ktah u ya i chait i khiah yong kiwa chong chnong nei pum pum wa mih na u sarok ha i por liur tangwa ka Company ym ap ko yei kyrpaad wa i eh i khoo kiwa chong chnong.
Kamtæ ka Dorbar Chnong da iwi i yumut da rai ko wym chah de ya ki kari wow lai chapoh Company lyngba uni u sarok wa haap hapoh i pait yong ka dorbar chnong hadooh wa ka Company ym mynjur ko yaka soskular wa da ya soi waka chnong.
Discussion about this post